सरकारी सेवामा कार्यरत हे ई समूहका जनस्वास्थ्यकर्मीहरुको भेलाले सरकारी जनस्वास्थ्य संघ नेपाल भन्ने संस्था स्थापना गरेको छ । राजधानीमा आज सम्पन्न भेलाले दीपक झाको अध्यक्षतामा १७ सदस्यीय केन्द्रीय तदर्थ समिति गठन गरेको छ । उक्त समितिको उपाध्यक्षमा प्रदेश नं १ मा बृजकुमार दाश, प्रदेश नं २ मा गौरब ढकाल, प्रदेश नम्बर ३ मा नन्दराज अवस्थी र गण्डकी प्रदेशमा रमेश बाह्रकोटीलाई चयन गरेको छ । यस्तै प्रदेश नं ५ बाट उपाध्यक्षमा विशाल सुवेदी, कर्णाली प्रदेशबाट चेतन निधि वाग्ले र प्रदेश नं ७ बाट दयाकृष्ण पन्त चयन भएका छन् ।
भेलाले समितिको सचिवको जिम्मेवारी अमर दवाडी, कोषाध्यक्ष अनिल केसी, सहसचिव रामबहादुर नेपालीलाई दिएको छ । यस्तै सदस्यहरुमा उपेन्द्र ढुंगाना, केशव चापागाईँ, बसुन्धरा शर्मा, दीपक अधिकारी, अंगतबहादुर शाही र शिवराज सुनार चयन भएका छन् । नेपालको विद्यमान स्वास्थ्य समस्याको निराकणको लागि प्रतिकारात्मक, प्रवर्धनात्मक,उपचारात्मक, पुर्नस्थापनान्तमक, रोग रोकथाम तथा नियन्त्रण लगायतका विषयलाई नियन्त्रण गर्न जनस्वास्थ्यकर्मीहरु एक हुनुपर्ने र त्यसका लागि नै संस्थाको स्थापना गरिएको सचिव अमर दवाडीले बताए ।
नेपाली हेल्थ २०७५ भदौ १६ गते १७:५६ मा प्रकाशित
No comments:
Post a Comment